رسائی کے لنکس

علی ظفر اپنی نئی فلم میں عالیہ بھٹ سے رومنس کرتے نظر آئیں گے۔’ رنگ دے بسنتی‘ سے شہرت پانے والے کنال کپوربھی فلم کا حصہ ہوں گے۔ سری دیوی کی کم بیک فلم’ انگلش ونگلش‘ کی ڈائریکٹر گوری شیندے کی ڈائریکشن میں بننے والی فلم کا نام ابھی طے نہیں کیا گیا۔

راک اسٹار علی ظفر کی پیشہ ورانہ مصروفیات لالی وڈ سے بالی وڈ تک پھیلی ہوئی ہیں۔ پاکستانی فلم انڈسٹری ہویا بالی وڈ، نوجوانوں کے پسندیدہ ایکٹر اور سنگر علی ظفر کی مانگ سرحد کی دونوں جانب یکساں ہے۔

بھارتی انٹرٹینمنٹ ویب سائٹ ’فلم فیئر‘ کے مطابق علی ظفر اپنی نئی فلم میں عالیہ بھٹ سے رومنس کرتے نظر آئیں گے۔’ رنگ دے بسنتی‘ سے شہرت پانے والے کنال کپوربھی فلم کا حصہ ہوں گے۔

سری دیوی کی کم بیک فلم’ انگلش ونگلش‘ کی ڈائریکٹر گوری شیندے کی ڈائریکشن میں بننے والی فلم کا نام ابھی طے نہیں کیا گیا۔

گوری شیندے البتہ آج کل خبروں میں ان ہیں کیونکہ ان کی ایک اورفلم میں شاہ رخ خان عالیہ بھٹ کے ہیرو ہوں گے۔ اس غیرمعمولی اورغیر روایتی جوڑی کو کچھ لوگوں نے کھل کرتنقید کا نشانہ بھی بنایا ہے۔

علی ظفر اور کنال کپور جیسے ہینڈسم اورخوبرو اسٹارز کی موجودگی کے باوجود گوری شیندے کا کہنا ہے کہ ان کی یہ فلم عام طور پر بنائی جانے والی مصالحہ رومینٹک فلموں سے بالکل مختلف ہوگی۔

علی ظفر اب تک بالی وڈ کی سات فلموں میں اداکاری کے جوہر دکھا چکے ہیں جن میں ’تیرے بن لادن‘، چشم بدور‘( ری میک) ،’میرے برادرکی دلہن‘ اور دیگر شامل ہیں۔

علی ظفر ان دنوں اپنی پہلی پاکستانی فلم ’دیوسائی‘ کی پروڈکشن میں مصروف ہیں جبکہ عالیہ بھٹ زوروشورسے اپنی آنے والی فلم ’کپوراینڈسنز‘کی پروموشن میں مصروف ہیں۔

دلچسپ بات یہ ہے کہ عالیہ کی اس فلم میں بھی ان کے مقابل ایک اور پاکستانی ہارٹ تھروب فواد خان نے بھی کام کیا ہے۔

XS
SM
MD
LG