رسائی کے لنکس

آسٹریلیا میں عدالت نے ایک شخص کو اپنی چار سالہ بیٹی کو اُس کے دو بھائیوں کے سامنے قتل کرنے کے جرم میں عمر قید کی سزا سنائی ہے۔

سینتیس سالہ آرتھر فری مین نے ڈارسی (Darcey) کو 9 جنوری، 2009ء کو میلبورن کے ’ویسٹ کیٹ‘ پُل سے نیچے پھینک دیا تھا۔ یہ واقعہ ایسے وقت پیش آیا جب فری مین کا اپنی سابقہ بیوی کے ساتھ بچوں کی تحویل پر تنازعہ چل رہا تھا۔

ڈارسی کے پل سے تقریباً 80 میٹر نیچے دریائے یارا میں گرنے کا منظر کار میں موجود اُس کے دو اور چھ سالہ بھائیوں نے بھی دیکھا۔

فری مین کا موقف تھا کہ جب اُس سے یہ جرم سرزد ہوا اُس کاذہنی توازن درست نہیں تھا، لیکن وکٹوریا سپریم کورٹ کے جج پال کوہلن (Paul Coghlan)نے کہا کہ فری مین نے اپنی سابقہ بیوی سے انتقام لینے کے لیے ڈارسی کو قتل کیا۔

XS
SM
MD
LG