کوانٹس ایئر ویز کے انجینئرز کی ہڑتال کے باعث ہزاروں مسافروں کو پروازوں میں تاخیر یا ان کی منسوخی کا سامنا ہے۔
آسٹریلیا کی قومی ایئر لائن کا کہنا ہے کہ اندرون ملک 40 پروازیں منسوخ کی جا رہی ہیں، جب کہ مزید 27 اندرون ملک اور 11 بیرون ملک پروازوں کے اوقات میں تبدیلی کی جائے گی۔
تنخواہوں اور دوران کار ماحول پر ایئر لائن سے اختلافات رکھنے والی انجینئرز کی نمائندہ تنظیم نے پیر کو چار گھنٹے تک کام نا کرنے کا منصوبہ بنایا ہے۔
کوانٹس کا کہنا ہے کہ ہڑتال سے 11 ہزار سے زائد مسافر متاثر ہوں گے۔
