رسائی کے لنکس

برفی“ ہٹ ہو گئی، ہرکوئی رنبیر کپور کے گن گانے لگا


Barfi
Barfi

کمرشل سینما کی فلموں سے ہٹ کر بنائی گئی اس فلم میں رنبیر کپور نے گونگے اور بہرے لڑکے کا کردار اس خوبی اور مہارت سے بنھایا ہے کہ فلم نقادوں سے پرستاروں تک سبھی ان کی اداکاری کے گن گا رہے ہیں

رنبیر کپور میٹھے کے شوقین ہوں یا نہ ہوں لیکن ایک بات تو طے ہے کہ ’برفیساری عمر، ان کی پسندیدہ سوئٹ ڈشز میں سب سے اوپر رہے گی ۔ وجہ؟ ۔ ۔وجہ ہے ان کی فلم ’برفی‘ کا سپر ہٹ ہو کر اب تک کے کیرئیر کی سب سے کامیاب فلم بن جانا۔

ڈائریکٹر انوراگ باسو کی فلم’برفی‘ رنبیر کپور کی فلموں میں ریلیز کے پہلے ہفتے میں سب سے زیادہ منافع کمانے والی فلم بن گئی۔اس میں کوئی شک نہیں کہ بزنس کے لحاظ سے ’برفی ‘ سال کی سب سے بڑی سپر ہٹ فلم سلمان خان کی ’ایک تھا ٹائیگر‘ سے کوسوں دور ہے لیکن اس کے باوجود برفی کی پہلے ہفتے کی کمائی نے رنبیر کی اپنی ہی فلم ’راک اسٹار‘ کا ریکارڈ توڑ دیا۔

سن 2011 میں ڈائریکٹر امتیاز علی کی فلم ’راک اسٹار‘ نے اپنے پہلے ویک اینڈ پر33 کروڑ روپے کا بزنس کیا تھا۔

کمرشل سینما کی فلموں سے ہٹ کر بنائی گئی اس فلم میں رنبیر کپور نے گونگے اور بہرے لڑکے کا کردار اس خوبی اور مہارت سے بنھایا ہے کہ فلم نقادوں سے لیکرجوق در جوق ملٹی پلیکسز کا رخ کرنے والے رنبیر کے پرستاروں تک سبھی ان کی اداکاری کے گن گا رہے ہیں۔

بھارتی میگزین” انڈیا ٹو ڈے“ کے مطابق فلمی حلقوں کے اندرونی ذرائع کا کہنا ہے کہ فلم باکس آفس پر 70 سے80 کروڑ روپے کما سکتی ہے جبکہ فلم کی تیاری پر40 کروڑ روپے لاگت آئی ہے۔ اگر واقعی فلم اتنا بزنس کرنے میں کامیاب ہوگئی تو رنبیر کے لئے ’برفی‘ اب تک کی سب سے بڑی فلم ثابت ہو گی۔
XS
SM
MD
LG