رسائی کے لنکس

بالی ووڈ اداکار شاہنی آہوجہ کو دست درازی کے الزام میں سزا


بالی ووڈ اداکار شاہنی آہوجہ کو دست درازی کے الزام میں سزا

بالی ووڈ اداکار شاہنی آہوجہ کو دست درازی کے الزام میں سزا

بالی ووڈ کے اداکار شا ہنی آہوجہ کو اپنی گھریلو ملازمہ سے دست درازی کے جرم میں ممبئی کی مقامی عدالت نے سات سال قید بامشقت کی سزا سنائی ہے۔ بھارتی عدالت کی تاریخ میں یہ اپنی نوعیت کا پہلا کیس تھا جس میں عدالت نے کسی متاثرہ خاتون کی جانب سے کیس واپس لئے جانے کے باوجود سزا سنائی ہے۔

عدالت نے مقدمے کے ہر پہلو پر تفصیل سے سماعت کرنے کے بعد اپنا فیصلہ سنایا جس میں مجرم شا ہنی آہوجہ کو سات سال قید کاٹنا ہوگی۔ مقدمہ سنائے جانے کے وقت شا ہنی آہوجہ کی اہلیہ انجو آہوجہ بھی عدالت میں موجود تھیں۔ فیصلہ سننے کے بعد شا ہنی اپنے جذبات پر قابو نہ رکھ سکے اور پھوٹ پھوٹ کر رونے لگے۔

واضح رہے کہ متاثرہ لڑکی نے اپنا بیان واپس لے لیا تھا اوروہ الزام کی صحت سے بھی انکاری ہوگئی تھی ۔ شا ہنی نے عدالت میں موقف اختیار کیا تھا کہ اس نے متاثرہ خاتون کے ساتھ زیادتی نہیں کی بلکہ ایسا کرنے میں اس کی رضامندی شامل تھی۔

XS
SM
MD
LG