رسائی کے لنکس

’ڈان ٹو‘ فلم بینوں کے ساتھ ساتھ شاہ رخ خان اور فرحان اختر بھی ریلیز کے منتظر


’ڈان ٹو‘ فلم بینوں کے ساتھ ساتھ شاہ رخ خان اور فرحان اختر بھی ریلیز کے منتظر

’ڈان ٹو‘ فلم بینوں کے ساتھ ساتھ شاہ رخ خان اور فرحان اختر بھی ریلیز کے منتظر

سال 2011ء رفتہ رفتہ اپنے اختتام کی جانب بڑھ رہا ہے ۔ گزشتہ بارہ مہینوں کے دوران ایک کے بعد ایک اور ایک سے بڑھ کر ایک بالی ووڈ فلمیں ریلیز ہوئیں۔ بہت سی فلمیں ایسی تھیں جو ریلیز سے قبل ہی خاصی شہر ت سمیٹنے کا سبب بنیں۔ انہی فلموں میں سے اب ایک فلم ” ڈان 2“ اس ماہ کی 23تاریخ کو ریلیز ہونے جارہی ہے ۔

اس میں کوئی شک نہیں کہ’‘’ ڈان ٹو “کا انتظار صرف فلم بینوں کو ہی نہیں بلکہ خود ’ریل لائف۔۔ ڈان‘ یعنی شاہ رخ خان کو بھی ہے ۔” را۔ون“ کو خاطرخواہ کامیابی نہ ملنے کے بعد انہیں ایک ایسی فلم کی ضرورت ہے جو انہیں اداکاری کے میدان میں ایک مرتبہ پھر ’بادشاہ ‘ثابت کرسکے۔

”ڈان ٹو“ کی کامیابی کے لئے شاہ رخ خان کوئی کسر اٹھانہیں رکھ رہے ۔ اس کی زبردست تشہیر کی جارہی ہے ۔ اسے ٹو ڈی کے ساتھ ساٹھ تھری ڈی فارمیٹ میں بھی ریلیز کیا جارہا ہے ۔ انہیں ”را۔ون“ سے یہ تجربہ بھی ہوا ہے کہ لوگ ٹو ڈی کے بجائے تھری ڈی فلموں کو زیادہ پسند کررہے ہیں۔ کیا شاہ رخ خان کے یہ تجربات اگلی فلم کے حوالے سے کامیاب ثابت ہوں گے ؟؟اور کیا ”ڈان ٹو“ باکس آفس پر کامیابی کے نئے ریکارڈ بنا سکے گی؟؟ کیوں کہ سب کچھ کرگزرنے کے باوجود” را۔ون“ صرف اتنا ہی کما سکی جتنا اس پر خرچ آیا تھا۔

”ڈان ٹو“ امیتابھ بچن کی 80ء کی دھائی میں بننے والی فلم ”ڈان“ کا دوسرا سیکوئل ہے۔ اس سے قبل ”ڈان ون“ سن 2006ء میں ریلیز ہوئی تھی۔ سیکوئل کے ڈائریکٹر فرحان اختر ہیں جن کی ایک اور فلم ”زندگی نہ ملے گی دوبارہ“ رواں سال ہی ریلیز ہوئی تھی جس نے کامیابی کے ساتھ ساتھ فرحان کو ایک نئی پہچان بخشی۔ ”ڈان ٹو“ انہیں کس حد تک شہرت دلاسکے گی ، اس بات کا فیصلہ جاننے کے لئے خود فرحان اختر بھی” ڈان ٹو“ کی ریلیز کے منتظر ہیں۔

XS
SM
MD
LG