رسائی کے لنکس

چین میں شی جن پنگ کا نئے صدر کے طور پر انتخاب


شی جن پنگ کو ملک کے نئے صدر کے طور پر نامزد کیا ہے

شی جن پنگ کو ملک کے نئے صدر کے طور پر نامزد کیا ہے

رشوت کے مسئلے کا حل اور پارٹی میں بہتر نظم و ضبط کے قیام کی ضرورت ہے۔

چین کی حکمران کمیونسٹ پارٹی کی کانگریس نے دارالحکومت بیجنگ میں ہونے والے اجلاس میں نائب صدر شی جن پنگ کو ملک کے نئے صدر کے طور پر نامزد کیا ہے۔

چین کی کمیونسٹ پارٹی کی کانگریس کا یہ اٹھارواں اجلاس بیجنگ میں ایک ہفتے تک جاری رہا اور اس دوران سکیورٹی کے انتہائی سخت انتظامات کیے گئے تھے۔

موجودہ صدر ہو جن تاؤ کی جگہ آنے والے شن جن پنگ ملک کی مرکزی فوجی کمیشن اور سات رکنی فیصلہ ساز اسٹینڈنگ کمیٹی کے سربراہ ہوں گے۔

چین کے نئے نامزد صدر مارچ میں اپنے عہدے کا حلف لیں گے۔ اُنھوں نے جمعرات کو صحافیوں کو بتایا کہ ملک کی نئی قیادت کو متعدد چیلنجوں کا سامنا ہے لیکن وہ چین کے ایک ارب 30 کروڑ افراد کے بہتر معیار زندگی کے لیے جد و جہد جاری رکھیں گے۔

انہوں نے کہا کہ رشوت کے مسئلے کا حل اور پارٹی میں بہتر نظم و ضبط کے قیام کی ضرورت ہے۔
XS
SM
MD
LG