رسائی کے لنکس

کیا زیادہ بیٹھنا موت کا سبب بن سکتا ہے؟


CREDIT LINE MUST READ: istock photos ABLE TO BE REUSED BY FAIRFAX MASTHEADS INCLUDING ONLINE ROYALTY FREE IMAGE from istock.com Download by Syndications x2251 on 23 March 2011Human Skeleton, Humour, Desk, Manager, Office, Working, Occupation, Boredom, Dea

CREDIT LINE MUST READ: istock photos ABLE TO BE REUSED BY FAIRFAX MASTHEADS INCLUDING ONLINE ROYALTY FREE IMAGE from istock.com Download by Syndications x2251 on 23 March 2011Human Skeleton, Humour, Desk, Manager, Office, Working, Occupation, Boredom, Dea

صرف بیٹھے رہنا ہی نہیں، بلکہ نقل و حرکت کم کرنا اور ورزش کا نہ کرنا انسان کو دل کے امراض اور کینسر جیسے مرض میں مبتلا کر کے موت کا سبب بن سکتا ہے

’ریڈرز ڈائجسٹ‘ کا کہنا ہے کہ، 25 سال سے زیادہ عمر والوں کے ایک گھنٹہ بیٹھ کر ٹی وی دیکھنے سے ان کی متوقع زندگی کے 22 منٹ کم ہو جاتے ہیں۔

جریدے کے مطابق، اگر کوئی کمپیوٹر پر کام کر رہا ہو یا ٹی وی دیکھ رہا ہو تو اس کے بیچ وقفہ کر لے جیسے کہ ہر کمرشل بریک میں چہل قدمی کرلے کیونکہ کچھ نہ کرنے سے کچھ کرنا بہتر ہوتا ہے یعنی کہ بس کھڑے ہو جانا اور ہلنا جلنا شروع کر دینا درست سمت میں بڑا قدم ہے۔

’ریڈرز ڈائجسٹ‘ کے آرٹیکل میں بیٹھے رہنے کے نقصانات کو دیکھتے ہوئے اسے نئی قسم کی تمباکو نوشی کہا گیا ہے۔

جریدہ کہتا ہے کہ کوئی چاہے باقائدہ ورزش کرتا ہو، لیکن اگر وہ باقی وقت زیادہ تر بیٹھا رہتا ہے تو یہ اس کی صحت کے لئے بہت نقصان دہ ہے۔ ورزش کے فوائد ضرور ہیں، لیکن دن کے باقی اوقات میں بھی ہلتے جلتے رہنا خون میں موجود گلوکوس کو استعمال کر کے انسان کو صحت مند رکھتا ہے۔

جریدے کے مطابق، کاہلی اور بیٹھے رہنے کی وجہ سے انسانی پٹھے سکڑ کر چکنائی کی بجائے گلوکوس پر انحصار کرنا شروع کر دیتے ہیں اور اس سے خون میں چکنائی کی مقدار بڑھ جاتی ہے، جو کہ دل کے امراض کا سبب بن سکتی ہے۔ اور یہ اضافی چکنائی پٹھوں اور جگر سمیت جسم کے ان حصوں میں جمع ہوجاتی ہے جہاں اسے جمع نہیں ہونا چاہئے۔

کراچی کے لیاقت نیشنل اسپتال کے دل کے شعبے کے سربراہ، ڈاکٹر فیصل احمد نے وائس آف امریکہ کو بتایا کہ صرف بیٹھے رہنا ہی نہیں، بلکہ نقل و حرکت کم کرنا اور ورزش کا نہ کرنا انسان کو دل کے امراض اور کینسر جیسے مرض میں مبتلا کرکے موت کا سبب بن سکتا ہے۔
XS
SM
MD
LG