رسائی کے لنکس

پہلا ٹیسٹ :بھارت کے خلاف انگلینڈ کو فالو آن


پراگیان اوجھا بھارتی کھلاڑی کے ہمراہ (فائل فوٹو)

پراگیان اوجھا بھارتی کھلاڑی کے ہمراہ (فائل فوٹو)

احمد آباد میں کھیلے جانے والے پہلے کرکٹ ٹیسٹ میچ میں بھارت نے ٹاس جیت کر پہلے کھیلتے ہوئے 521 رنز آٹھ کھلاڑی آؤٹ پر اپنی پہلی اننگز ختم کر دی تھی۔

بھارت کے خلاف پہلے کرکٹ ٹیسٹ میچ میں انگلینڈ کی ٹیم پہلی اننگز میں 191 رنز بنا کر آؤٹ ہونے کے بعد فالو آن کا شکار ہوگئی۔

بھارتی باؤلروں خصوصاً پراگیان اوجھا نے پانچ، ایشون نے تین جب کہ ظہیر خان اور یاددو نے ایک، ایک وکٹ حاصل کی۔

احمد آباد میں کھیلے جانے والے میچ کے تیسرے روز ہفتہ کو جب کھیل ختم ہوا تو مہمان ٹیم کو اننگز کی شکست سے بچنے کے لیے 219 رنز درکار تھے جب کہ میچ کے دو روز اور انگلینڈ کے تمام کھلاڑی ابھی باقی ہیں۔

بھارت نے ٹاس جیت کر پہلے کھیلتے ہوئے 521 رنز آٹھ کھلاڑی آؤٹ پر اپنی پہلی اننگز ختم کر دی تھی۔

چتیشور پجارا ناقابل تسخیر 206 رنز کے ساتھ نمایاں بھارتی بلے باز رہے جب کہ سہواگ نے شاندار 117 رنز بنائے۔
XS
SM
MD
LG