رسائی کے لنکس

بھارت کے بلے باز وریندر سہواگ نے ایک روزہ میچوں میں سب سے زیادہ انفرادی رنز بنانے کا عالمی ریکارڈ قائم کیا ہے۔

جمعرات کو اندور میں ویسٹ انڈیز کے خلاف کھیلے جانے والے چوتھے ایک روزہ میچ میں بھارتی کپتان سہواگ نے ڈبل سینچری بنا کر اپنے ہی ہم وطن سچن ٹنڈولکر کا ریکارڈ توڑا۔ انھوں نے 149 گیندوں پر 25 چوکوں اور سات چھکوں کی مدد سے 219 رنز بنائے۔

بھارت نے اس میچ میں ٹاس جیت کے پہلے بیٹنگ کرنے کا فیصلہ کیا اور مقررہ پچاس اوورز میں پانچ وکٹوں کے نقصان پر 418 رنز بنائے۔

پانچ ایک روزہ بین الاقوامی کرکٹ میچوں میں میزبان ٹیم کو دو، ایک سے برتری حاصل ہے۔

XS
SM
MD
LG