رسائی کے لنکس

پاکستانی شائقین کو آسٹریلیا اور بنگلہ دیش کے میچ کا انتظار

  • ب

پاکستانی شائقین کو آسٹریلیا اور بنگلہ دیش کے میچ کا انتظار

پاکستانی شائقین کو آسٹریلیا اور بنگلہ دیش کے میچ کا انتظار

ٹوئنٹی ٹوئنٹی کرکٹ عالمی کپ میں بدھ کو آسٹریلیا اور بنگلہ دیش کے درمیان کھیلے جانے والے میچ کا پاکستانی شائقین بے صبری سے انتظار کررہے ہیں کیونکہ پاکستانی ٹیم کے اس ٹورنامنٹ میں شامل رہنے کا انحصار اس میچ کے فیصلے پر ہے۔

ویسٹ انڈیز میں جاری تیسرے ٹی ٹوئنٹی عالمی کپ میں اگرچہ ابھی تک کمزور سمجھی جانے والی ٹیموں نے کسی مضبوط ٹیم کو توقعات کے برعکس شکست نہیں دی ہے لیکن کرکٹ مبصرین کا کہنا ہے کہ اس کھیل میں ”اَپ سیٹ“کو کسی مرحلے میں خارج از امکان قرار نہیں دیا جاسکتا۔ بدھ کے روز اگربنگلہ دیش آسٹریلیا جیسی مضبوط ٹیم کو ہرا دیتی ہے تو دفاعی چیمپیئن پاکستان عالمی کپ سے باہر ہوجائے گا۔

ٹورنامنٹ کے پہلے مرحلے کے آخری روز دوسرا میچ جنوبی افریقہ اور افغانستان کے درمیان کھیلا جائے گا۔

منگل کو کھیلے جانے والے میچوں میں انگلینڈاور آئرلینڈکے درمیان میچ ڈَک ورتھ لوئس قانون کے تحت برابررہا اور دونوں ٹیموں کو ایک ،ایک پوائنٹ ملا۔ دوسرے میچ میں اسی قانون کے تحت نیوزی لینڈ نے زمبابوے پر سات رنز سے برتری حاصل کی۔

نیوزی لینڈ، بھارت اور ویسٹ انڈیز چار ،چار پوائنٹس کے ساتھ پہلے مرحلے میں سرفہرست ہیں۔

دریں اثناء ٹوئنٹی ٹوئنٹی خواتین کرکٹ عالمی کپ کا آغاز بدھ کے روزسے ویسٹ انڈیز میں ہورہا ہے۔ ٹورنامنٹ میں پاکستان سمیت آٹھ ٹیمیں شرکت کررہی ہیں۔

XS
SM
MD
LG