رسائی کے لنکس

مصر: سکیورٹی فورسز کی فائرنگ سے 12 سیاح ہلاک


فائل فوٹو
فائل فوٹو

دہشت گردوں کے شبے میں کی گئی کارروائی میں مرنے والوں میں مصر اور میکسیکو کے شہری شامل ہیں جب کہ زخمی ہونے والے دس افراد کو اسپتال منتقل کر دیا گیا ہے۔

مصر میں سکیورٹی فورسز نے دہشت گردوں کے شبے میں فائرنگ کر کے کم از کم 12 سیاحوں کو ہلاک اور دس کو زخمی کر دیا ہے۔

پیر کو وزارت داخلہ کی طرف سے جاری ایک بیان میں بتایا گیا کہ فوج اور پولیس مغربی صحرائی علاقے میں دہشت گردوں کے خلاف کارروائیوں میں مصروف تھیں کہ غلطی سے میکسیکو کے ایک سیاحتی گروپ میں شامل چار گاڑیوں کے قافلے کو نشانہ بنا گئیں۔

بیان کے مطابق اس واقعے کے نتیجے میں 12 سیاح ہلاک ہوگئے جن میں مصر اور میکسیکو کے شہری شامل ہیں جب کہ زخمی ہونے والے دس افراد کو اسپتال منتقل کر دیا گیا ہے۔

بیان میں بتایا گیا کہ جہاں یہ واقعہ پیش آیا وہاں غیر ملکی سیاحوں کا داخلہ ممنوع ہے۔

میکسیکو کی وزارت خارجہ نے اپنے دو شہریوں کی اس واقعے میں ہلاکت کی تصدیق کی ہے۔

میکسیکو کے صدر پینا نیوٹو نے اس حملے کی مذمت کرتے ہوئے اس کی تحقیقات کا مطالبہ کیا ہے۔

ٹوئٹر پر اپنے پیغام میں ان کا کہنا تھا کہ "میکسیکو اپنے شہریوں کے خلاف ایسے واقعات کی مذمت کرتا ہے اس نے مطالبہ کیا ہے کہ مکمل تحقیقات کر کے بتایا جایا کہ مصر کی حکومت نے کیا کیا ہے۔"

جس علاقے میں یہ واقعہ پیش آیا وہ سیاحوں میں تو مقبول ہے لیکن یہاں دہشت گرد بھی سرگرم ہیں جو اکثر مصری سکیورٹی فورسز پر حملے کرتی رہتی ہیں۔

XS
SM
MD
LG