رسائی کے لنکس

ایسپرن کا استعمال اور بینائی کی کمزوری


ایسپرن کا استعمال اور بینائی کی کمزوری

ایسپرن کا استعمال اور بینائی کی کمزوری

یورپ میں کی گئی ایک تحقیق سے معلوم ہوا ہے کہ ایسپرن کا باقاعدگی سے استعمال کرنے والے عمر رسیدہ افراد کے بینائی کی کمزوری کا شکار ہونے کے امکانات درد سے آرام دینے والی یہ عام دوا استعمال نا کرنے والوں کی نسبت دوگنے ہوتے ہیں۔

تحقیق کے دوران اکٹھا کیے گئے اعداد و شمار سے یہ ثابت نہیں ہوا کہ ایسپرن ہی بینائی کی کمزوری کی وجہ بنتی ہے، تاہم اس کے نتائج کو اس لیے باعث تشویش سمجھا جا رہا ہے کیوں کہ امراض قلب میں مبتلا عمر رسیدہ افراد کی ایک بڑی تعداد ایسپرن کا روزانہ استعمال کرتی ہے۔

بوسٹن شہر کے بریگم اینڈ ویمنز ہسپتال کے ولیم کریسن کہتے ہیں کہ عمر کے باعث بینائی کی کمزوری کا شکار افراد کو ایسپرن کا استعمال تجویز کرنا دانشمندانہ فیصلہ نہیں ہوگا۔ ولیم کریسن متعلقہ تحقیق کا حصہ نہیں تھے۔

اس تحقیق کے دوران 65 برس سے زائد عمر کے تقریباً 4,700 افراد سے اُن کی صحت اور رہن سہن سے متعلق معلومات اکٹھا کی گئیں۔ ایسپرن کا روزانہ استعمال کرنے والے 839 افراد میں سے 36 بینائی کی کمزوری کا شکار تھے۔

تحقیق میں ناروے، اسٹونیا، برطانیہ فرانس، اٹلی یونان اور اسپین کے شہری شامل تھے۔

XS
SM
MD
LG