رسائی کے لنکس

جعل سازی پر جرمن وزیر دفاع مستعفی


مستعفی ہونے والے جرمن وزیردفاع

مستعفی ہونے والے جرمن وزیردفاع

جرمنی کے وزیر دفاع نے ڈاکٹریٹ کی ڈگری کے لیے جمع کرائے گئے مکالے میں جعل سازی کے الزامات کے بعد منگل کو اپنے عہدے سے استعفیٰ دے دیا ہے۔

ملکی سیاست میں نمایاں مقام رکھنے والے کارل تھیوڈو زو گوئٹنبرگ کا شمارچانسلر انگلا مرکل کے ہونہار ساتھیوں میں ہوتا تھا اور بعض اطلاعات کے مطابق وہ جرمنی کے آئندہ چانسلر منتخب ہوسکتے تھے۔

گوئٹنبرگ نے صحافیوں سے باتیں کرتے ہوئے2007ء میں جمع کرائے گئے اپنے اس مکالے میں ”فاش غلطیوں“ کا اعتراف کرتے ہوئے کہا کہ انھوں نے یہ جان بوجھ کر نہیں کیا۔

بیروئتھ یونیورسٹی پہلے ہی ان کے ڈاکٹریٹ کا اعزاز منسوخ کرچکی ہے۔

وزیر دفاع پر استعفے کے لیے دباؤ میں اس وقت مزید بڑھ گیا جب تقریباً 1700صاحبان علم نے پیر کو چانسلر مرکل کو لکھے گئے ایک کھلے خط میں اس عمل کو تدریسی شعبے کی تضحیک قرار دیا تھا۔

XS
SM
MD
LG