رسائی کے لنکس

بھارتی کشمیر کی بگڑتی صورتِ حال پر گہری تشویش ہے: من موہن سنگھ

  • سہیل انجم

وزیرِ اعظم من موہن سنگھ نے بھارتی کشمیر میں نظم ونسق کی بگڑتی صورتِ حال پر گہری فکر مندی کا اظہار کرتے ہوئے کہا ہے کہ دہشت گردانہ سرگرمیوں کی روک تھام کے باوجود وادی میں موجود عوامی صورتِ حال زبردست تشویش کا باعث ہے۔

اُنھوں نے نئی دہلی میں پولیس سربراہوں کے اجلاس سے خطاب کرتے ہوئے عوامی احتجاجی مظاہروں کے دوران سکیورٹی فورسز کے طریقہٴ کار پر ازسرِ نو غور کرنے اور غیر مہلک ہتھیاروں کے استعمال پر زور دیا ۔

واضح رہے کہ وادی میں جون کے مہینے سے جاری عوامی مظاہروں کے دوران سکیورٹی فورسز کی کارروائی اور فائرنگ کے نتیجے میں اب تک کم از کم 60افراد ہلاک ہوچکے ہیں۔

وزیرِ اعظم نے اپنے خطاب میں ملک میں نان اسٹیٹ ایکٹرز، انتہا پسند گروپوں اور نسلی سرگرمیوں میں اضافے پر بھی تشویش کا اظہار کیا اور کہا کہ اِس سے ملک کی سلامتی کی صورت حال مزید پیچیدہ ہوگئی ہے۔

XS
SM
MD
LG