رسائی کے لنکس

پاکستانی کھلاڑیوں کو نظر انداز کیے جانے میں حکومت کا کوئی ہاتھ نہیں: بھارت

  • سہیل انجم

پاکستانی کھلاڑیوں کو نظر انداز کیے جانے میں حکومت کا کوئی ہاتھ نہیں: بھارت

پاکستانی کھلاڑیوں کو نظر انداز کیے جانے میں حکومت کا کوئی ہاتھ نہیں: بھارت

بھارتی وزیرِ خارجہ ایس ایم کرشنا اور وزیرِ کھیل ایم ایس گِل نے پاکستان کے اِس الزام کو مسترد کردیا ہے کہ انڈین پریمیئر لیگ (آئی پی ایل) کی نیلامی میں بھارتی حکومت کے اشارے پر کرکٹ کے پاکستانی کھلاڑیوں کو نظر انداز کیا گیا ہے۔

ایس ایم کرشنا نے جمعرات کے روز میڈیا سے بات چیت میں کہا کہ آئی پی ایل میں کھلاڑیوں کا انتخاب اور اُس سے متعلق دیگر سرگرمیوں سے حکومت کا کوئی تعلق نہیں ہے۔

اُن کا کہنا تھا کہ پاکستان کو حکومتی پروگراموں اور نجی مقابلوں کے درمیان فرق کرنا چاہیئے۔ اُن کے الفاظ میں: ‘پاکستان کو یہ دیکھنا چاہیئے کہ حکومت کس معاملے سے براہِ راست وابستہ ہے اور کس معاملے سے نہیں۔’

واضح رہے کہ کرکٹ کےپاکستانی کھلاڑیوں کو نظر انداز کیے جانے پر پاکستان میں شدید ردِ عمل ہوا ہے اور اپوزیشن جماعت پاکستان مسلم لیگ (ن) کی مخالفت پر پاکستان نے اپنے پارلیمانی وفد کا دورہٴ بھارت منسوخ کر دیا ہے۔

منگل کے روز آئی پی ایل کی نیلامی میں پاکستان کے 11 کرکٹروں میں سے کسی کو بھی نہیں لیا گیا تھا۔

XS
SM
MD
LG