بھارتی حکام نے کہا ہے کہ منقسم کشمیر میں لائن آف کنٹرول کے قریب پاکستانی سکیورٹی فورسز کی فائرنگ سے ایک بھارتی فوجی ہلاک ہو گیا ہے۔
ہلاک ہونے والے فوجی کا تعلق ’بارڈر سکیورٹی فورس (بی ایس ایف)‘ سے بتایا گیا ہے جو ہفتہ کے روز گشت کے دوران مارا گیا۔
بی ایس ایف کے عہدے داروں کا کہنا ہے کہ بھارتی اہلکاروں نے جوابی کارروائی کی جس کے بعد کچھ وقت کے لیے دونوں ملکوں کی سکیورٹی فورسز کے درمیان فائرنگ کا تبادلہ بھی ہوا۔
اس واقعے کے بارے میں فوری طور پر پاکستانی فوج کا ردعمل سامنے نہیں آیا ہے۔
