رسائی کے لنکس

اسرائیل میں انتخابات کے لیے 22 جنوری کی تاریخ پر اتفاق


اسرائیلی وزیر اعظم نے اتوار کو کابینہ کے اجلاس کی صدارت کی

اسرائیلی وزیر اعظم نے اتوار کو کابینہ کے اجلاس کی صدارت کی

اسرائیلی وزراء نے اتوار کو کابینہ کے ہفتہ وار اجلاس میں قبل ازوقت انتخابات کی تاریخ کی منظوری دی اور توقع ہے پارلیمان پیر کے اجلاس میں اس کی توثیق کر دے گی۔

اسرائیل کی کابینہ نے ملک میں عام انتخابات 22 جنوری کو کرانے پر اتفاق کیا ہے، اور رائے عامہ کے جائزوں کے مطابق امکان ہے کہ وزیر اعظم بینجمن نیتن یاہو جیت جائیں گے۔

اسرائیلی وزراء نے اتوار کو کابینہ کے ایک ہفتہ وار اجلاس میں قبل ازوقت انتخابات کی تاریخ کی منظوری دی۔

وزیر اعظم نیتن یاہو نے منگل کو ایک بیان میں کہا تھا کہ وہ اپنی مدت پوری ہونے سے آٹھ ماہ قبل انتخابات کا انعقاد چاہتے ہیں کیونکہ حکمران اتحاد 2013ء کے ریاستی بجٹ کی منظوری دینے سے قاصر ہے۔

توقع ہے کہ اسرائیل کی پارلیمان پیر کو ہونے والے اپنے اجلاس میں قبل ازوقت انتخابات کی منظوری دے گی۔

رائے عامہ کے اکثر جائزوں کے مطابق نیتن یاہو کی سیاسی جماعت نئی پارلیمان میں سب سے بڑی قوت بن کر سامنے آئے گی جو سبکدوش ہونے والی انتظامیہ کی طرح قوم پرستوں اور مذہبی جماعت پر مشتمل مخلوط حکومت کی قیادت کرے گی۔

نیتن یاہو 1990 کی دہائی کے اواخر میں تین سالہ مدت کے لیے ملک کے وزیر اعظم تھے, اور 2009 کے انتخابات کے بعد اُنھوں نے وزارت عظمٰی کا منصب دوبارہ سنبھالا تھا۔ اُن کی سربراہی میں مخلوط حکومت نسبتاً مستحکم رہی کیونکہ اسرائیل میں منقسم پارلیمانوں نے شاذ ونادر ہی اپنی چار سالہ مدت پوری کی ہے۔
XS
SM
MD
LG