رسائی کے لنکس

جنوبی اسرائیل: تشدد کی نئی کارروائیاں، چار افراد زخمی


کشیدگی کی یہ لہر ستمبر میں اُس وقت شروع ہوئی جب فلسطینی مضافات میں یہ افواہیں گردش کرنے لگیں کہ اسرائیل مشرقی یروشلم کے مقدس مقامات کو اپنے قبضے میں لینے والا ہے، جسے مسلمان الاقصیٰ مسجد جب کہ یہودی ’ٹیمپل آف ماؤنٹ‘ کے نام سے پکارتے ہیں

اسرائیلی پولیس کا کہنا ہے کہ جنوبی اسرائیل میں چاقو کے وار کے واقعات میں کم از کم چار افراد زخمی ہوئے۔ اسرائیل اور فلسطینیوں کے مابین جھڑپوں کا یہ تازہ ترین واقعہ ہے۔

چاقو سے حملے کی یہ وارداتیں ہفتے کی شام کراة غیث کے شہر میں ہوئیں۔ پولیس کم از کم ایک حملہ آور کو تلاش کر رہی ہے، جو موقعے سے فرار ہونے میں کامیاب ہوگیا ہے۔

حالیہ دِنوں ہونے والی تشدد کی اِن کارروائیوں میں 15 اسرائیلی جب کہ کم از کم 86 فلسطینی ہلاک ہوچکے ہیں۔

کشیدگی کی یہ لہر ستمبر میں اُس وقت شروع ہوئی جب فلسطینی مضافات میں یہ افواہیں گردش کرنے لگیں کہ اسرائیل مشرقی یروشلم کے مقدس مقامات کو اپنے قبضے میں لینے والا ہے، جسے مسلمان الاقصیٰ مسجد جب کہ یہودی ’ٹیمپل آف ماؤنٹ‘ کے نام سے پکارتے ہیں۔

اسرائیل نے اس بات کی بارہا تردید کی ہے کہ وہ یروشلم کے مقدس مقامات پر یہودی اور مسلمان برادریوں کی نظرداری کے معاملے کو چھیڑنے کا کوئی ارادہ نہیں رکھتا، اور اس کا کہنا ہے کہ چند فلسطینی جان بوجھ کر یہ غلط افواہیں پھیلا رہے ہیں، جن پر لوگ مشتعل ہوجاتے ہیں۔


XS
SM
MD
LG