رسائی کے لنکس

روسی صدر کے متنازع جزیرہ کے دورے پر جاپان کا احتجاج


روسی صدر کے متنازع جزیرہ کے دورے پر جاپان کا احتجاج

روسی صدر کے متنازع جزیرہ کے دورے پر جاپان کا احتجاج

جاپان نے روسی صدرکی طرف سے دونوں ملکوں کے درمیان متنازع جزائر کے دورے کے خلاف سفارتی سطح پر احتجاج کیا ہے۔

ان جزائر کو روس میں کُرالس کہا جاتا ہے اور وہ اسے اپنا حصہ سمجھتا ہے جبکہ جاپان انھیں اپنا شمالی علاقہ تصور کرتا ہے۔ دمتری میدویدیف ان چار جزائر میں سے کسی ایک کا دورہ کرنے والے پہلے روسی صدر ہیں۔

جاپان میں منعقد ہو نے والی اقتصادی کانفرنس میں روسی صدر کی شرکت سے قبل اس واقعے کی وجہ سے دونوں ملکوں کے درمیان کشیدگی کی فضا پیدا ہو گئی ہے۔

جاپانی وزیراعظم ناؤتوکان نے روسی صدر کے کُناشری جزیرہ کے دورے کو ’قابل افسوس‘ قرار دیا ہے اور جاپانی وزیرخارجہ نے روس کے سفیر کو بلا کر اس پر احتجاج ریکارڈ کرایا ہے۔

روسی سفیر میخائل بیلے نے صحافیوں کو بتایا کہ روس اس دورے کو ایک اندرونی معاملہ سمجھتا ہے۔

دوسری جنگ عظیم کے بعد سوویت یونین کی طرف سے ان جزائر پر قبضے کے بعد سے جاپان اس علاقے کی واپسی کا مطالبہ کرتا چلا آرہا ہے۔

XS
SM
MD
LG