رسائی کے لنکس

کراچی ہلاکتوں میں اضافہ کشیدگی بدستور موجود

  • ب

کراچی ہلاکتوں میں اضافہ کشیدگی بدستور موجود

کراچی ہلاکتوں میں اضافہ کشیدگی بدستور موجود

کراچی کے علاقے اورنگی ٹاؤن اور قصبہ کالونی میں پولیس اور رینجرز کی اضافی نفری کی تعیناتی کے باوجود پیر اور منگل کی درمیانی شب وقفے وقفے سے فائرنگ کی اطلاعات ملی ہیں اور شہر کے مختلف علاقوں میں کم از کم چھ مزید افراد کی ہلاک ہو گئے ہیں جس کے بعد گذشتہ چارروز کے دوران فائرنگ کے ان واقعات میں ہلاک ہونے والوں کی تعداد 23 ہو گئی ہے جب کہ متعدد افراد زخمی بھی ہوگئے ہیں۔ ملک کے اس اقتصادی مرکزتشدد کے ان حالیہ واقعات کے باعث شہر میں کشیدگی بدستور موجود ہے ۔

اورنگی ٹاؤن کے سپرنٹنڈنٹ پولیس غیاث قریشی نے گذشتہ شام وائس آف امریکہ کو بتایا تھا کہ ہلاک ہونے والوں میں اکثریت عام لوگوں کی ہے اور اس سلسلے میں گرفتاریاں بھی عمل میں لائی گئی ہیں ۔ اُن کا یہ بھی کہنا تھا کہ فائرنگ اور پتھراؤ کے باعث علاقے میں کاروبار بند ہے اور لوگ گھر وں میں محصور ہیں۔

کراچی پولیس کے سربراہ وسیم احمد کا کہنا ہے کہ اورنگی ٹاؤن میں جاری کشیدگی دو لسانی گروپوں کے درمیان تصادم کا نتیجہ ہے اور اُن کے بقول پولیس کی نفری میں اضافہ اور شہر کو اسلحے سے پاک کیے بغیر ان واقعات پر قابو پاناممکن نہیں۔

شہر میں امن وامان برقرار رکھنے کے لیے پیر کی شام حکمران پیپلزپارٹی اور متحدہ قومی موومنٹ کے رہنماؤں کے مذاکرات ہوئے جس کے بعد دونوں جماعتوں کے رہنماؤں نے میڈیا کو بتایا تھا کہ کچھ سازشی عناصران جماعتوں کے اتحاد کو توڑنے اور شہر میں عدم استحکام کی کوششوں میں مصروف ہیں۔

XS
SM
MD
LG