رسائی کے لنکس

سکیورٹی فورسز کی گاڑی پر خودکش حملے میں کم ازکم 18 ہلاک

  • شمیم شاہد

سکیورٹی فورسز کی گاڑی پر خودکش حملے میں کم ازکم 18 ہلاک

سکیورٹی فورسز کی گاڑی پر خودکش حملے میں کم ازکم 18 ہلاک

پشاور سے ملحقہ خیبر ایجنسی کے علاقے جمرود میں بدھ کی شام سکیورٹی فورسز کی گاڑی پر ہونے والے خودکش حملے میں کم ازکم 18 افراد ہلاک ہوگئے ہیں، جن میں کم از کم سات پولیس اہل کار شامل ہیں۔

دھماکا اس قدر شدید تھا کہ زیادہ تر ہلاکتیں موقع پر ہی ہوگئیں اور گاڑی مکمل طور پر تباہ ہوگئی۔

بتایا جاتا ہے کہ خیبر خاصہ دار فورس کا مقامی لائن آفیسر زرمد خان گذشتہ کئی ماہ سے دہشت گردوں کے نشانے پر تھا۔ زخمیوں کو مقامی ہسپتال منتقل کردیا گیا ہے۔

دریں اثنا بدھ کے روز پشاور کے دورے کے موقع پر وفاقی وزیرداخلہ رحمن ملک نے صحافیوں سے باتیں کرتے ہوئے کہا کہ حکومت طالبان کے ساتھ کسی قسم کے مذاکرات نہیں کررہی۔

تحریک طالبان پاکستان کے سربراہ حکیم اللہ محسود کی 14 جنوری کو وزیرستان میں ایک ڈورن حملے میں ہلاکت کے بارے میں رحمن ملک نے کہا کہ ان کے پاس ایسی اطلاعات ہیں کہ وہ مر چکا ہے تاہم ان اطلاعات کی تصدیق انھیں حاصل نہیں۔

XS
SM
MD
LG