رسائی کے لنکس

جنرل کیانی کا باجوڑ اور سوات میں ترقیاتی منصوبوں کا افتتاح


جنرل کیانی کی قبائلی عمائدین سے ملاقات

جنرل کیانی کی قبائلی عمائدین سے ملاقات

جنرل کیانی نے کہا کہ یہ منصوبے جہاں مقامی لوگوں کو درپیش مشکلات میں کمی کا باعث بنیں گے وہیں نوجوانوں کو تعلیم اور روزگار کے حصول کے مواقع فراہم کرنے سے دہشت گردی کا قلع قمع کرنے میں بھی مدد ملے گی۔

پاکستانی فوج کے سربراہ جنرل اشفاق پرویز کیانی نے جمعہ کو وادی سوات اور قبائلی علاقے باجوڑ ایجنسی کا دورہ کیا جہاں اُنھوں نے حکومت پاکستان اور متحدہ عرب امارات کے تعاون سے تیار کیے گئے گئے منصوبوں کا افتتاح کیا۔

فوج کے شعبہ تعلقات عامہ ’آئی ایس پی آر‘ سے جاری ہونے والے ایک بیان کے مطابق جنرل کیانی نے کہا کہ یہ منصوبے جہاں مقامی لوگوں کو درپیش مشکلات میں کمی کا باعث بنیں گے وہیں نوجوانوں کو تعلیم اور روزگار کے حصول کے مواقع فراہم کرنے سے دہشت گردی کا قلع قمع کرنے میں بھی مدد ملے گی۔

جنرل کیانی نے باجوڑ کے انتظامی مرکز خار میں ٹیکنیکل کالج کا افتتاح کیا جسے پاکستانی فوج کے انجینیئرز نے مکمل کیا۔

بعد میں آرمی چیف وادی سوات کے علاقے شموزئی گئے جہاں اُنھوں نے ’شیخ زید بن سلطان‘ پل کا افتتاح کیا۔

بیان کے مطابق اس منصوبے سے سوات کے تقریباً 20 لاکھ لوگوں کو فائدہ ہوگا۔

اس موقع پر جنرل کیانی نے جنگ سے متاثر قبائلی علاقے اور سوات میں منصوبوں میں معاونت پر متحدہ عرب امارات کا شکریہ ادا کیا۔
XS
SM
MD
LG