رسائی کے لنکس

یورپی یونین نے بن غازی میں اپنا سفارتی دفتر کھول دیا


یورپی یونین نے بن غازی میں اپنا سفارتی دفتر کھول دیا

معمر قذافی کی قیادت کے بغیرایک جمہوری لیبیا کے حصول کی حمایت کا اعادہ کرتے ہوئے یورپی یونین نے مشرقی لیبیا میں باغیوں کی محفوظ پناہ گاہ بن غازی میں اپنا ایک سفارتی دفتر قائم کیا ہے۔

یورپی یونین کی اعلیٰ سفارت کار، کیتھرین ایشٹن نے اتوار کے دِن بن غازی کے طبستی ہوٹل میں دفتر کا افتتاح کیا، جہاں بڑی تعداد میں حفاظتی محافظ تعینات تھے۔ اُنھوں نے کہا کہ یورپی یونین کا مقصد اب اور آئندہ لیبیا کے عوام کی حمایت کرنا ہے ۔

دفتر کا مقصد باغیوں کی محفوظ پناہ گاہ کو 27ملکی بلاک کے ساتھ ملانا ہے، اور اِس کے باعث باغیوں کے لیے بڑھتی ہوئی بین الاقوامی منظوری دلانے میں مدد ملے گا۔ فرانس، اٹلی اور دیگر ملکوں نے پہلے ہی سرکاری طور پر باغیوں کو تسلیم کر لیا ہے، جب کہ بات چیت کا آغاز کرنے کی غرض سے امریکہ نے باغیوں کے مشرقی علاقے میں سفارت کاروں کو بھیجا ہے۔
ایشٹن، شورش کے آغاز سے اب تک باغیوں کے زیرِ قبضہ لیبیائی علاقے کادورہ کرنے والی پہلی اعلیٰ ترین غیر ملکی عہدے دار ہیں۔

لیبیا میں باغیوں اور لیڈر معمر قذافی کی حامی افواج کے درمیان تنازعہ مہینوں سےجاری ہے۔

XS
SM
MD
LG