پاکستان فضائیہ کا ایک لڑاکا طیارہ جمعہ کو کراچی کے قریب سونمیانی کے علاقے میں گر کر تباہ ہو گیا۔
فضائیہ کے شعبہ تعلقات عامہ نے اپنے بیان میں کہا ہے کہ ’میراج‘ ساخت کا طیارہ ’’معمول کی تربیتی پرواز‘‘ پر تھا اور طیارہ تباہ ہونے سے پہلے پائلٹ اس سے باحفاظت نکلنے میں کامیاب رہا۔
اطلاعات کے مطابق طیارے نے کراچی میں مسرور ائیر بیس سے اُڑان بھری تھی جس کے کچھ دیر بعد ہی اسے یہ حادثہ پیش آیا۔
اس واقعے میں زمین پر کسی شخص کے زخمی ہونے یا املاک کو نقصان پہنچنے کی اطلاع نہیں ملی ہے۔
