رسائی کے لنکس

بیٹی کو زندہ دفن کرنے کے الزام میں باپ گرفتار


فائل فوٹو

فائل فوٹو

پولیس کے مطابق اس شخص نے اپنی بچی کو مردہ قرار دیتے ہوئے اس کے جنازے کے لیے لوگوں کو جمع کیا مگر اسی دوران بچی نے رونا شروع کر دیا

پاکستان کے صوبہ پنجاب کے شہر خانیوال میں نومولود بیٹی کو مبینہ طور پر زندہ دفن کرنے والے شخص کو پولیس نے گرفتار کر لیا ہے۔

مقامی پولیس کے مطابق خانیوال کے ایک گاؤں میں چاند خان نامی شخص نے جمعرات کو پیدا ہونے والی اپنی بچی کو ’’زندہ دفن‘‘ کر دیا تھا اور اس کا موقف تھا کہ بچی ’’بدصورت‘‘ تھی اور اس کی شکل بگڑی ہوئی تھی۔

پولیس کے مطابق اس شخص نے اپنی بچی کو مردہ قرار دیتے ہوئے اس کے جنازے کے لیے لوگوں کو جمع کیا مگر اسی دوران بچی نے رونا شروع کر دیا جس پر لوگوں سے اسے نومولود کو اسپتال لے جانے کو کہا مگر وہ اسے قبرستان لے جا کر دفن کر آیا۔

بعض اطلاعات کے مطابق چاند خان پر الزام ہے کہ اس نے بچی کی پیدائش کے بعد ڈاکٹروں سے اسے زہریلا انجیکشن لگانے کے لیے بھی کہا مگر ڈاکٹروں سے ایسا کرنے سے انکار کردیا۔

تبصرے دکھائیں

XS
SM
MD
LG