خیبرایجنسی کی سنگلاخ پہاڑیوں پر مشتمل تِیراہ وادی میں پاکستانی فوج کا ایک گن شپ کوبرا ہیلی کاپٹر بدھ کو گر کر تباہ ہو گیا اور اس حادثے میں پائلٹ اور گن مین دونوں اس واقعے میں ہلاک ہو گئے۔ فوجی حکام نے واقعے کی تصدیق کرتے ہوئے کہا ہے کہ حادثے کی وجوہات جاننے کی کوششں کی جا رہی ہے۔
خیال رہے کہ وادی تِیرہ خیبر اور اورکزئی ایجنسیوں کے سنگم پر واقع ہے اور اس علاقے میں شدت پسندوں کے ٹھکانوں کے خلاف حالیہ دنوں میں سکیورٹی فورسز نے کئی حملے کیے ہیں۔
