رسائی کے لنکس

اورکزئی ایجنسی میں 24 عسکریت پسند ہلاک


اورکزئی ایجنسی میں 24 عسکریت پسند ہلاک

اورکزئی ایجنسی میں 24 عسکریت پسند ہلاک

قبائلی علاقے اورکزئی ایجنسی میں حکام کے مطابق خودکار ہتھیاروں اور راکٹوں سے لیس عسکریت پسندوں نے ڈبوری کے علاقے میں سکیورٹی فورسز کی چیک پوسٹ پر بدھ کو حملہ کر ایک سکیورٹی اہلکار کو ہلاک جب کہ نو کو زخمی کردیا۔ جوابی کارروائی میں حکام کے مطابق 24 جنگجوؤں کو ہلاک کر دیا گیا۔

تازہ جھڑ پ میں ہونے والی ہلاکتوں کی آزاد ذرائع سے تصدیق نہیں ہو سکی ہے۔

فوجی حکام نے رواں ماہ کے اوائل میں اورکزئی ایجنسی میں عسکریت پسندوں کے خلاف آپریشن کو کامیاب قرار دے کر اسے ختم کرنے کا اعلان کیا تھا۔ حکام کا کہنا تھا کہ اس قبائلی علاقے میں شدت پسندوں کے زیر استعمال بیشتر ٹھکانے اور تربیتی مرکز تباہ کر دیے گئے ہیں۔

تاہم اس کے باوجود اس اورکزئی ایجنسی میں سکیورٹی فورسز اور شدت پسندوں کے درمیان جھڑپوں کا سلسلہ بدستور جاری ہے ۔ اورکزئی میں عسکریت پسندوں کے خلاف آپریشن میں رواں سال مارچ سے اب تک حکام نے 600 سے زائد جنگجوؤں کوہلاک کرنے کا دعویٰ کیا ہے جب کہ پرتشد د جھڑپوں میں 30 سے زائد سکیورٹی اہلکار بھی جابحق ہوئے ہیں۔

جنوبی وزیرستان میں طالبان کے خلاف بڑے فوجی آپریشن کے بعد حکام اور قبائلی ذرائع کے مطابق عسکریت پسندوں کی ایک بڑی تعداد ملحقہ اورکزئی ایجنسی منتقل ہو گئی تھی۔

XS
SM
MD
LG