پاکستان کی وزیر خارجہ حنا ربانی کھر منگل کو روس کے چار روزہ دورے پر روانہ ہو رہی ہیں جہاں وہ اپنے روسی ہم منصب سے دوطرفہ تعلقات میں فروغ پر بات چیت کریں گی۔
دفتر خارجہ نے ایک بیان میں کہا ہے کہ حنا ربانی کھر روس کے قانون سازوں سے بھی ملاقاتیں کریں گی۔
پاکستان اور روس دوطرفہ تعلقات میں فروغ کی کوشش کرتے آ رہے ہیں خصوصاً توانائی، سائنس اور ٹیکنالوجی، اور بنیادی ڈھانچے کی تعمیر کے شعبوں میں تعاون کی نئی راہیں تلاش کی جارہی ہیں۔
