رسائی کے لنکس

سوات امن جرگے کا رکن قاتلانہ حملے میں شدید زخمی

  • شمیم شاہد

امن جرگے کے اہم رکن پر مبینہ طالبان شدت پسندوں کے حملے کے بعد مقامی آبادی علاقے میں پائیدار امن کے حوالے سے ایک بار پھر تذبذب کا شکار ہے۔

سوات امن جرگے کے ایک اہم رکن اور مقامی ہوٹل ایسوسی ایشن کے صدر زاہد خان قاتلانہ حملے میں شدید زخمی ہو گئے ہیں۔

پولیس حکام کے مطابق زاہد خان کو جمعہ کی شب اس وقت نشانہ بنایا گیا جب وہ گھر جا رہے تھے، انھیں شدید زخمی حالت میں پشاور کے لیڈی ریڈنگ اسپتال منتقل کیا گیا۔

زاہد خان کا علاقے میں قیام امن کے بعد سیاحتی سرگرمیوں کی بحالی میں اہم کردار رہا ہے۔

وادی سوات میں حالیہ مہینوں میں امن و امان کی صورت حال میں نمایاں بہتری آنے کے بعد بڑی تعداد میں سیاحوں نے علاقے کا رخ کیا ہے لیکن امن جرگے کے اس اہم رکن پر مبینہ طالبان شدت پسندوں کے حملے کے بعد مقامی آبادی علاقے میں پائیدار امن کے حوالے سے ایک بار پھر تذبذب کا شکار ہے۔

سوات سے تعلق رکھنے والے صوبائی وزیر جنگلات واجد علی خان نے بتایا کہ اس طرح کی پرتشد کارروائی قیام امن اور علاقے میں معاشی سرگرمیوں کی بحالی کے لیے کی جانے والی کوششوں کے لیے ایک بڑا دھچکا ہے۔
XS
SM
MD
LG