رسائی کے لنکس

بہاولپور میں مسجدپر فائرنگ سے دوافرادہلاک

  • افضل رحمن

بہاولپور میں مسجدپر فائرنگ سے دوافرادہلاک

بہاولپور میں مسجدپر فائرنگ سے دوافرادہلاک

پولیس حکام نے بتایا کہ جنوبی پنجاب کے شہر بہاولپور میں نامعلوم افراد نے ہفتے کی صبح نماز فجرکے بعد ایک مسجد میں داخل ہوکر فائرنگ کی جس سے دو افراد ہلاک اور سات زخمی ہوگئے ہیں ۔ زخمیوں میں سے دو کی حالت تشویشناک بتائی جاتی ہے۔

بہاولپور کے ڈپٹی سپرٹنڈنٹ عزیز اللہ خان نیازی نے وائس آف امریکہ کو بتایا کہ حملہ آوروں کی تعداد تین تھی اور اُن کی تلاش جاری ہے۔ بتایا جاتا ہے کہ جب مسجد پر فائرنگ کی گئی تو اُس وقت بیشتر نمازی وہاں سے جاچکے تھے۔

عمومی طور پر یہ باور کیا جاتا ہے کہ جنوبی پنجاب میں عسکریت پسند چھپے ہوئے ہیں اور بعض حلقے ان علاقوں میں فوجی کارروائی کا مطالبہ بھی کرتے رہے ہیں تاہم پنجاب حکومت کا موقف یہ رہا ہے کہ اُس کو پورے صوبے میں جہاں کہیں شدت پسندوں کے اڈوں کی اطلاع ملتی ہے وہ اُن کے خلاف فوری کارروائی کرتی ہے۔

XS
SM
MD
LG