امریکی محکمہ دفاع کے مطابق منگل کو پینٹاگان کی بلڈنگ پر باہر سے فائرنگ کی گئی ہے۔ پینٹاگان پولیس کا کہنا ہے اس واقعہ کی تحقیقات جاری ہیں۔ پولیس کے مطابق منگل کو علی الصبح بلڈنگ پر متعدد فائر کیے گئے۔ ابتدائی تحقیقات کے مطابق کم از کم دو گولیاں بلڈنگ کو لگی ہیں۔
پولس کا کہنا ہے کہ پینٹا گان کے آس پاس کی تمام سڑکوں اور ہائی ویز کو شہادت کی تلاش کے لیے بند کردیا گیا۔ یہ واضح نہیں ہے کہ فائرنگ میں کونسے ہتھیار استعمال ہوئے تھے اور کتنےشاٹس فائر کیے گئے۔
