رسائی کے لنکس

سکیورٹی چیک پوسٹ پر حملے میں پانچ ہلاک


سکیورٹی چیک پوسٹ پر حملے میں پانچ ہلاک
سکیورٹی چیک پوسٹ پر حملے میں پانچ ہلاک

پشاورکے نواحی علاقے سپن قبر میں سکیورٹی فورسز کی چیک پوسٹ پرمسلح حملہ آوروں نے منگل اور بدھ کی درمیانی شب حملہ کر کے جن پانچ سکیورٹی اہلکاروں کوہلاک کر دیا تھا اُ ن کی نمازہ جنازہ بدھ کی صبح ادا کردی گئی ہے۔

سپن قبر کی سرحدیں قبائلی علاقے خیبر ایجنسی سے بھی ملتی ہیں۔ مقامی پولیس کے مطابق خود کار ہتھیاروں سے لیس ایک درجن سے زائد حملہ آوروں نے ایف سی اور پولیس کی اس مشترکہ چیک پوسٹ پر حملہ کر کے تین ایف سی اور دو پولیس اہلکاروں کوہلاک اور ایک کو زخمی کردیا۔

ہلاک ہونے والے اہلکاروں کی نمازہ جنازہ ادا کرنے کے بعد صوبہ سرحد کے سینئیر وزیر بشیر بلور نے ذرائع ابلاغ کے نمائندوں سے باتیں کرتے ہوئے انسداد دہشت گردی کے لیے سکیورٹی فورسز کی قربانیوں کو سراہتے ہوئے کہا کہ یہ لڑائی صرف اُن کے صوبے کی نہیں بلکہ سارے پاکستان اور پوری آزاد دنیا کی جنگ ہے۔

XS
SM
MD
LG