رسائی کے لنکس

خیبر پختونخوا کے 360 بلدیاتی پولنگ اسٹیشنوں میں دوبارہ پولنگ


فائل فوٹو
فائل فوٹو

پشاور میں دفعہ 144 نافذ کر دی گئی تھی جس کے تحت موٹر سائیکل پر ڈبل سواری پر پابندی عائد کر دی گئی ہے۔

خیبر پختونخوا کے 14 اضلاع میں سخت سکیورٹی انتظامات میں 360 پولنگ سٹیشنوں پر بلدیاتی انتخابات کے لیے جمعرات کو دوبارہ پولنگ ہوئی۔

ووٹنگ صبح 8:00 بجے سے ہوئی اور بغیر کسی تعلل کے شام پانچ بجے جاری رہی۔

دوبارہ پولنگ پشاور، مردان، نوشہرہ، چارسدہ، سوابی، ہنگو، کرک، بنو، لکی مروت، ڈیرہ اسماعیل خان، ایبٹ آباد، مانسہرہ اور بونیر کے 360 پولنگ سٹیشنوں میں ہوئی۔

پشاور میں دفعہ 144 نافذ کی گئی تھی جس کے تحت موٹر سائیکل پر ڈبل سواری پر پابندی عائد رہی۔

یاد رہے کہ ضلع خیبر پختونخوا میں 30 مئی کو ہونے والے بلدیاتی انتخابات میں بے ضابطگیوں اور بدانتظامی کے باعث 360 پولنگ سٹیشنوں کے نتائج کو کالعدم قرار دے دیا گیا تھا۔ ان انتخابات کے دوران ہونے والے تشدد کے مختلف واقعات میں 30 سے زائد افراد ہلاک ہو گئے تھے۔

XS
SM
MD
LG