رسائی کے لنکس

بتایا جاتا ہے کہ ٹرمپ نے اپنے مشیروں سے کہا ہے کہ وہ جنوری میں عبوری دور کی تبدیلی میں معاونت کی فراہمی کے لیے واشنگٹن کا تجربہ رکھنے والے، پینس کو سامنے لانے کے خواہاں ہیں

رپورٹوں میں بتایا گیا ہے کہ منتخب صدر ڈونالڈ ٹرمپ کی عبوری ٹیم کا کنٹرول نیو جرسی کے گورنر کرس کرسٹی کی جگہ منتخب امریکی نائب صدر، مائیک پینس کو سونپا جا رہا ہے، جو عبوری دور کے معاملات کی دیکھ بھال کر رہے ہیں۔

’نیو یارک ٹائمز‘ نے ٹرمپ کی انتخابی مہم کے قریبی ذرائع کے حوالے سے، یہ خبر جمعے کے روز دی ہے۔

بتایا جاتا ہے کہ ٹرمپ نے اپنے مشیروں سے کہا ہے کہ وہ جنوری میں عبوری دور کی تبدیلی میں معاونت کی فراہمی کے لیے واشنگٹن کا تجربہ رکھنے والے، پینس کو سامنے لانے کے خواہاں ہیں۔

رپورٹ میں بتایا گیا ہے کہ اس عمل کے بارے میں پینس کی مشاورت ایک انتظامی کمیٹی کرے گی، جس میں کانگریس کے ارکان شامل ہوں گے۔

متوقع طور پر، عبوری ٹیم میں نیو یارک کے سابق میئر روڈی جولیانی کے ہمراہ ایک نائب سربراہ کے طور پر، کرسٹی بھی خدمات انجام دیں گے۔

تبصرے دکھائیں

XS
SM
MD
LG