رسائی کے لنکس

کرائمیا پر اقوام متحدہ کی قرارداد ’غیر سودمند‘ ہے: روس


قرارداد کے حق میں 100 ملکوں نے ووٹ دیے

قرارداد کے حق میں 100 ملکوں نے ووٹ دیے

وزارت خارجہ نے یوکرین پر الزام عائد کیا کہ وہ اپنے مقامی معاملات پر سے توجہ ہٹانے کے لیے روس ان مشکلات کی ذمہ داری روس پر عائد کر رہا ہے۔

روس نے کرائمیا کو اپنے ساتھ شامل کرنے کے خلاف اقوام متحدہ کی قرارداد کو ’’غیر سودمند‘‘ قرار دیا ہے۔

جمعہ کو روس کے وزارت خارجہ کی طرف سے جاری ہونے والے ایک بیان میں کہا گیا کہ اقوام متحدہ کی جنرل اسمبلی کی قرارداد یوکرین کے اندرونی سیاسی بحران کے حل کی کوششوں کو مزید الجھا دے گی۔

وزارت نے یوکرین پر الزام عائد کیا کہ وہ اپنے مقامی معاملات پر سے توجہ ہٹانے کے لیے روس ان مشکلات کی ذمہ داری روس پر عائد کر رہا ہے۔

اقوام متحدہ کی جنرل اسمبلی نے جمعرات کو بھاری اکثریت سے ایک قرار داد منظور کی تھی جس میں کرائمیا کے روس کے ساتھ الحاق کو تسلیم کرنے سے انکار کیا گیا۔ قرارداد کے حق میں 100 جب کہ مخالف میں 11 ملکوں کے ووٹ دیے۔ 58 رکن ممالک نے اس میں حصہ نہیں لیا۔

رائے شماری سے قبل روس کے سفیر ویتالے چرکن نے اس قرارداد کو ’’ متصادم انداز‘‘ کا مسودہ قرار دیتے ہوئے کہا تھا کہ کرائمیا کے لوگوں نے اپنے حق خودارادیت کا استعمال کیا۔

کرائمیا کی اکثریتی آبادی نے رواں ماہ کے اوائل میں ہونے والے ریفرنڈم میں روس کے ساتھ الحاق کے لیے ووٹ دیا تھا۔ امریکہ اور مغربی ممالک اس ریفرنڈم کو غیر قانونی قرار دے چکے ہیں۔
XS
SM
MD
LG