رسائی کے لنکس

20 لاپتہ سعودی فوجیوں کی لاشیں مل گئیں


20 لاپتہ سعودی فوجیوں کی لاشیں مل گئیں

20 لاپتہ سعودی فوجیوں کی لاشیں مل گئیں

سعودی عرب میں حکام نے اطلاع دی ہے کہ سرکاری فوج کے ان 20 فوجیوں کی لاشیں مل گئیں ہیں جو گذشتہ سال کے اوآخر میں ملک کے سرحدی علاقوں میں یمنی باغیوں کے ساتھ ہونے والی جھڑپوں میں لاپتہ ہوگئے تھے۔

نائب وزیر دفاع شہزادہ خالد بن سلطان کے ہفتہ کو دیے گئے ایک بیان کے مطابق لاشیں ”کوہ دوکھان“ کے قریب ملیں جہاں سعودی افواج نے یمن میں مقیم شیعہ باغیوں پر حالیہ لڑائی کے دوران بمباری کی تھی۔ انھوں نے کہا کہ چھ فوجی اب بھی لاپتہ ہیں۔

20 فوجیوں کی لاشیں ملنے کے بعد ان سرحدی جھڑپوں میں اب تک ہلاک ہونے والے سعودی فوجیوں کی تعداد 133 ہو گئی ہے۔ یمنی باغیوں کے خلاف سعودی افواج نے یہ کارروائی نومبر میں اس وقت شروع کی جب عسکریت پسندوں نے سرحد عبور کر کے سعودی عرب کے دو محافظوں کو ہلاک اور 11 کو زخمی کردیا تھا۔

لڑائی اُسی علاقے میں شروع ہوئی جہاں یمن کی سرکاری افواج بھی شیعہ باغیوں کی سرکوبی میں مصروف ہیں۔ ان زیدی شورش پسندوں نے 2004ء میں یمن کی حکومت کے خلاف مسلح بغاوت کا آغاز کیا تھا کیونکہ ان کا دعویٰ ہے کہ اس علاقے میں ان کی برادری کی اہمیت کو کم کرنے کی مہم جاری ہے۔

XS
SM
MD
LG