رسائی کے لنکس

شاہد کپور اپنی ماں کی فلم میں کام نہیں کر سکیں گے


فلم کمینے کے لیے شاہد کپور کی تصویر والے پوسٹر پہلے ہی نکل چکے ہیں

فلم کمینے کے لیے شاہد کپور کی تصویر والے پوسٹر پہلے ہی نکل چکے ہیں

ان دنوں معروف فلم اداکار شاہد کپور کی ماں نیلما کپور اپنے بیٹے سے بے حد ناراض ہیں یہاں تک کہ انہوں نے اپنی آنے والی فلم سے ان کو خارج کر دیا ہے اور ان کی جگہ پر فلم ’کمینے‘ میں معاون اسٹار چندن سانیال کو بطور ہیرو سائین کر لیا ہے۔

اس واقعے کے بعد سے ہی ماں بیٹے میں بات چیت بند ہے۔ اس درمیان ان کے والد پنکج کپور نے بھی ایک فلم بنانے کا اعلان کر دیا ہے اور اس میں وہ شاہد کپور کو لینے کی کوشش کر رہے ہیں۔ قابل ذکر ہے کہ شاہد کپور جب تین سال کے تھے تو ان کی ماں نیلما عظیم اور پنکج کپور میں علیٰحدگی ہو گئی تھی۔

نیلما عظیم اپنے والد مشہور کہانی کار اور ناول نگار مرحوم انور عظیم کی کہانی پر ایک فلم بنا رہی ہیں لیکن شاہد کپور نے کہانی میں فلم کی ضرورت کے لحاظ سے کچھ ترمیم کرنے کی بات کہی تھی جسے نیلما نے ماننے سے انکار کر دیا اور اس کے بعد سے ہی دونوں کے درمیان تلخی پیدا ہو گئی۔ لیکن شاہد کپور کہتے ہیں کہ وہ اس معاملے میں کچھ نہیں بولیں گے: ’یہ معاملہ میر ے اور میری ماں کے درمیان رہے تو زیادہ اچھا ہے۔‘

XS
SM
MD
LG