رسائی کے لنکس

سری لنکا: فوج کے سابق سربراہ کی رہائی کا حکم


سری لنکا کے صدر مہندا راجا پاکسے

سری لنکا کے صدر مہندا راجا پاکسے

سری لنکا کے صدر مہندا راجا پاکسے نے ملک کی فوج کے سابق سربراہ اور حکومت مخالف رہنما سارتھ فونسیکا کی رہائی کا حکم دیا ہے۔

مسٹر راجا پاکسے نے اس سلسلے میں حکم نامے پر ہفتہ کو دستخط کیے جو پیر کو وزارتِ انصاف کو ارسال کیا جائے گا۔ فونسیکا کی رہائی سے متعلق شرائط فوری طور پر واضح نہیں ہیں۔

فوج کے سابق سربراہ ہتھیاروں کی خریداری سے متعلق جرائم میں 30 ماہ قید کی سزا کے علاوہ 2009ء میں ایک اخباری انٹرویو میں سیکرٹری دفاع پر جھوٹے الزامات عائد کرنے کی پاداش میں تین سال قید کی سزا بھی کاٹ رہے ہیں۔

سارتھ فونسیکا

سارتھ فونسیکا

فونسیکا کا دعویٰ ہے کہ اُن کے خلاف مقدمات سیاسی بنیادوں پر قائم کیے گئے کیوں کہ وہ صدارتی انتخاب میں مسٹر راجا پاکسے کے مدِ مقابل کھڑے ہوئے تھے۔

فونسیکا کو مئی 2009ء میں تامل ٹائیگر باغیوں کو شکست دے کر 25 سالہ خانہ جنگی کے خاتمے کے سلسلے میں خاصی مقبولیت حاصل ہے۔

XS
SM
MD
LG