رسائی کے لنکس

تھائی لینڈ میں سیلاب، ہلاکتوں کی تعداد 506 سے تجاوز کر گئی


تھائی لینڈ میں سیلاب، ہلاکتوں کی تعداد 506 سے تجاوز کر گئی

تھائی لینڈ میں سیلاب، ہلاکتوں کی تعداد 506 سے تجاوز کر گئی

تھائی لینڈ کے حکام کا کہنا ہے کہ ملک کی 50 سالہ تاریخ کے بد ترین سیلاب میں ہلاک ہونے والوں کی تعداد 506 سے تجاوز کر گئی ہے۔

حکام کے مطابق سیلابی پانی سے بینکاک کے سب سے بڑے خرید و فروخت کے مرکز چاٹوچک مارکیٹ کو خطرہ ہے۔

خبر رساں ادارے ایسوسی ایٹڈ پریس کے مطابق پانی بینکاک کے چیٹ سکائی ٹرین اسٹیشن میں داخل ہو گیا ہے۔

تھائی لینڈ کے وزیراعظم ینگ لک شیناوترا نے ہفتے کو بینکاک کے شہریوں سے کہا تھا کہ دارالحکومت میں سیلاب معمولی نوعیت کا ہو گا۔ ریڈیو پر اپنے ہفتہ وار خطاب میں تھائی وزیراعظم نے کہا تھا کہ شہر میں پانی کو داخل ہونے سے روکنے کے لیے ریت کے تھیلوں سے روکاوٹیں بنا دیں گئی ہیں۔

سیلابی پانی نے تھائی لینڈ کے تین تہائی صوبوں میں تیس لاکھ افراد کو متاثر کیا ہے۔ سیلاب سے اربوں ڈالر کا نقصان ہوا ہے۔ سیلاب نے اب تک تقریبا 10 ہزارفیکٹریوں کو متاثر کیا جس سے 6 لاکھ 60 ہزار افراد بے روزگار ہوئے ہیں۔

نقصانات کے باوجود تھائی لینڈ کے مرکزی بینک کے گورنر نے کہا ہے کہ دسمبر کے اوائل تک پانی اترآنے سے معیشت میں بہتری ممکن ہے۔

XS
SM
MD
LG