ایساف میں سلوینیا کے فوجیوں کے کردار کی تعریف

امریکی صدر براک اوباما نے افغانستان میں تعینات بین الاقوامی سکیورٹی فورس ایساف میں سلوینیا کے فوجیوں کے کردار کو سراہا ہے۔

مسٹر اوباما نے سلوینیا کے وزیر اعظم بورت پاہور (Borut Pahor) سے بدھ کو وائٹ ہاؤس میں اس وقت ایک غیر اعلانیہ ملاقات کی جب واشنگٹن کے دورے پر آئے ہوئے رہنما اور امریکی نائب صدر جو بائیڈن کے درمیان بات چیت جاری تھی۔

نائب صدر بائیڈن نے مسٹر پاہور کی قیادت کی تعریف کی اور کہا کہ امریکہ اور سلوینیا کروشیا کی یورپی یونین میں شمولیت کی حمایت کرتے ہیں۔ دونوں رہنماؤں نے دوطرفہ تجارت اور سرمایہ کاری بڑھانے پر بھی غور کیا۔