امریکی فوج کے ایک اہلکار پر عراق کے شہر فلوجہ میں اپنے دو ساتھیوں کو گولی مار کر ہلاک کرنے کا الزام عائد کیا گیا ہے۔
فوج کی طرف سے بدھ کو جاری ہونے والے ایک بیان میں کہا گیا ہے کہ نیفٹلی پلاٹیرو پر اس کے علاوہ اقدام قتل کا بھی الزام ہے۔
اس امریکی فوجی پر گذشہ ماہ ایک بحث کے بعد اپنے تین ساتھیوں پر فائرنگ کرنے کاالزام ہے۔ بیان میں کہا گیا ہے کہ فائرنگ کا یہ اقدام پہلے سے طے شدہ تھا، تاہم اس واقعے کی مزید تحقیقات کی جارہی ہیں۔
پلاٹیرو کے مقدمے کی سماعت فوجی عدالت کرے گی۔
