پاکستان کے قبائلی علاقے شمالی وزیرستان میں بدھ کو بغیر پائلٹ کے مبینہ امریکی جاسوس طیارے کے میزائل حملے میں اطلاعات کے مطابق کم ازکم چھ افراد ہلا ک ہو گئے ہیں۔
مقامی حکام کے مطابق ڈرون طیارے سے داغے گئے میزائلوں کا ہدف میرانشاہ کے قریب درگی منڈی نامی گاؤں میں عسکریت پسندوں کا مشتبہ تربیتی مرکز تھا۔
شمالی وزیرستان میں حقانی نیٹ ورک کے ہی زیراثر علاقے میں گذشتہ ہفتے بغیر پائلٹ کے ایک میزائل حملے میں جلاالدین حقانی کا بیٹا اورتین دیگر افراد مارے گئے تھے۔ جلاالدین حقانی نیٹ ورک سرحد پار افغانستان میں غیر ملکی فوجوں پر حملوں میں بھی ملوث ہے ۔
