رسائی کے لنکس

کراچی دنیا کے سستے ترین شہروں میں سے ایک


کراچی دنیا کے سستے ترین شہروں میں سے ایک

کراچی دنیا کے سستے ترین شہروں میں سے ایک

پاکستان کا سب سے بڑا شہر اور اقتصادی سرگرمیوں کا مرکز کراچی دنیا کے سستے ترین شہروں میں سے ایک ہے۔

یہ انکشاف اکانمسٹ انٹیلی جنس یونٹ کی منگل کو جاری ہونے والی جائزہ رپورٹ میں کیا گیا ہے۔

اس سالانہ جائزے میں مختلف ممالک کے 130 شہروں میں اشیاء ضروریہ بشمول خوراک اور لباس کی قیمتوں کے علاوہ تعلیم، کرایوں اور دیگر معمولات زندگی پر آنے والے اخراجات کا موازنہ کیا جاتا ہے۔

تازہ ترین جائزہ رپورٹ کے مطابق دنیا کے چار سستے ترین شہروں میں سے تین برصغیر میں ہیں، جن میں نئی دہلی اور ممبئی بھی شامل ہیں۔

اکانمسٹ انٹیلی جنس یونٹ نے زیورخ کو دنیا کا مہنگا ترین شہر قرار دیا ہے۔ سوئٹزرلینڈ کا یہ شہر گزشتہ سال پانچویں نمبر پر تھا، لیکن کرنسیوں کی قدر میں بڑھوتی کی وجہ سے کئی شہروں میں روز مرہ کے اخراجات میں نمایاں اضافہ دیکھنے میں آیا ہے۔

دنیا بھر کے سرمایہ کار یورپی ممالک میں اپنی رقوم سوئس فرانک میں تبدیل کرکے ان کو محفوظ بنانے کی کوشش کر رہے ہیں۔ سوئٹزرلینڈ ہی کا شہر جنیوا تیسرا مہنگا ترین شہر ہے۔

گزشتہ سال مہنگا ترین شہر قرار دیے گئے جاپانی دارالحکومت ٹوکیو کو اس سال دوسری پوزیشن حاصل ہوئی ہے۔

XS
SM
MD
LG