رسائی کے لنکس

شمالی یمن میں ایک خود کش کار بم دھماکے میں 17 شیعہ ہوتھی باغی ہلاک جب کہ 15 مزید زخمی ہو گئے ہیں ۔ باغیوں کے ایک ترجمان کا کہنا ہے کہ حملے کی زد میں آنے والے افراد ایک مذہبی تہوار میں شرکت کے لیے سفر پر تھے جب جاف صوبے میں یہ دھماکا ہوا ۔

اطلاعات کے مطابق خود کش حملہ آور نے جلوس کے قریب آ کر اپنی گاڑی کو دھماکے سے اڑایا ۔ یہ واقعہ ایک ایسے وقت پر ہوا ہے جب ایک روز پہلے پناہ گزینوں کے لیے اقوام متحدہ کے ادارے نے متنبہ کیا تھا کہ شمالی یمن میں حکومت کے حامی قبائلیوں اور شیعہ باغیوں کے درمیان کشیدگی میں اضافہ ہو رہا ہے ۔

ادارے کے مطابق گذشتہ دس روز کے دوران اس علاقے میں 20افراد ہلاک ہوئے ہیں۔ ادارے کا یہ بھی کہنا ہے کہ سعودی عرب کے ساتھ یمن کے سرحدی علاقے میں ہوتھی باغیوں اور حکومت کے نمائندوں کے درمیان فروری میں جنگ بندی کے معاہدے کے بعد سے اس وقت علاقے کو بد ترین تشدد کا سامنا ہے ۔

XS
SM
MD
LG