بلوچستان کے علاقے ڈیرہ بگٹی میں نامعلوم افراد کی فائرنگ سے کم ازکم تین افراد ہلاک اور ایک زخمی ہوگیا۔
یہ واقعہ نواحی علاقے گردن میں اس وقت پیش آیا جب موٹر سائیکل پر سوار نامعلوم افراد نے اپنے ڈیرے پر کھڑے افراد پر اندھا دھند فائرنگ کردی۔
حملہ آور فائرنگ کے بعد فرار ہوگئے جب کہ لاشوں اور زخمی کو ڈیرہ بگٹی کے اسپتال میں منتقل کردیا گیا۔
تاحال واقعے کے محرکات سامنے نہیں آسکے ہیں اور نہ ہی کسی نے اس کی ذمہ داری قبول کی ہے۔