ریپبلیکنز کو ارکینسا، کولوراڈو، آئیووا، مونٹانا، نارتھ کیرولینا، ساؤتھ ڈکوٹا اور ویسٹ ورجینیا میں کم از کم سات نشتیں حاصل ہوگئی ہیں۔ اب سینیٹ میں، صورت حال مختلف ہوگئی ہے۔ جب کہ، بدھ کو مزید تین حلقوں کے نتائج کا اعلان ہونے والا ہے
بیشتر مشرقی ریاستوں میں ووٹنگ مکمل ہوچکی ہے جب کہ تمام ریاستوں میں ووٹ ڈالنے کا عمل مقامی وقت کے مطابق نصف شب تک مکمل ہوجائے گا۔
ایک اہم انتخابی معرکے میں، آج امریکہ بھر میں ووٹ ڈالے جا رہے ہیں، جِس کے نتیجے میں اِس بات کا تعین ہوگا آیا کانگریس میں ڈیموکریٹس یا ریپبلیکنز کنٹرول حاصل کرتے ہیں؛ ایسے میں، جب صدر براک اوباما کی میعادِ صدارت میں دو ہی برس باقی رہ گئے ہیں۔ منگل کو ہونے والے اِن انتخابات میں، ایوان ِنمائندگان کی تمام کی تمام 435 نشستوں، جب کہ سینیٹ کی 100 سیٹوں میں سے ایک تہائی نشستوں کے لیے الیکشن ہو رہا ہے۔
انتخاب میں ایوان نمائندگان کی تمام نشستیں جب کہ سینیٹ کی ایک تہائی سیٹوں کے لیے ووٹنگ ہوگی۔ امریکہ کی یہ دو سیاسی جماعتیں اخراجات، ٹیکس نظام اور امی گریشن اصلاحات کی پالیسیوں پر بھی اختلاف رائے رکھتی ہیں