بحرِ اوقیانوس میں جنم لینے والا نسبتاً کم شدت کا طوفان 'نیٹ' امریکی ساحل سے ٹکراگیا ہے جس کے بعد اس کی شدت مزید کم ہوگئی ہے۔ لیکن شدت کم ہونے کے باوجود طوفان نے امریکی ریاست لوزیانا اور مسی سپی کے ساحلی علاقوں کو اچھا خاصا نقصان پہنچایا ہے۔
تصاویر: طوفان 'نیٹ' امریکی ساحل سے ٹکرا گیا
5
'نیٹ' کے باعث تاحال کوئی جانی نقصان نہیں ہوا ہے۔ البتہ کئی مقامات پر رہائشی اور کاروباری عمارتوں کو درخت گرنے اور پانی داخل ہوجانے سے نقصان پہنچا ہے۔
6
البتہ طوفان نے امریکہ پہنچنے سے قبل وسطی امریکہ کو نشانہ بنایا تھا جہاں اس کے باعث ہونے والے حادثات میں 22 افراد ہلاک ہوگئے تھے۔
7
حکام کے مطابق 'نیٹ' کے باعث امریکی ریاستوں مسی سپی، الاباما، لوزیانا اور فلوریڈا کے تقریباً ایک لاکھ رہائشیوں کو بجلی کی ترسیل معطل ہوگئی ہے جس کی بحالی کی کوششیں جاری ہیں۔
8
لوزیانا کے ساحلی علاقوں میں آباد لوگوں نے اپنی کشتیاں محفوظ کرنے کے لیے وائلیٹ کینال کا رخ کیا، جہاں دور دور تک کشتیاں ہی کشتیاں دکھائی دے رہی ہیں۔