بنگلہ دیش: ملبے سے 17 دن بعد زندہ نکالی جانے والی ریشماں بیگم

بنگلہ دیش کے دارالحکومت ڈھاکا کے مضافات میں 24 اپریل کو ’’رعنا پلازہ‘‘ نامی کثیر المنزلہ عمارت منہدم ہو گئی تھی۔ اس عمارت میں گارمنٹس فیکٹریاں قائم تھیں اور جب یہ عمارت گری تو وہاں 3000 ہزار افراد موجود تھے جن میں سے 1,127 کی ہلاکت کی تصدیق ہو چکی ہے۔ تاہم عمارت کے ملبے سے امدادی کارکنوں کو 17 دن بعد ایک خاتون ریشماں بیگم زندہ حالت میں ملیں۔