پاکستان کے شمال مغربی صوبہ خیبر پختونخواہ کے شہر چارسدہ میں واقع باچا خان یونیورسٹی میں دہشت گردوں کے حملے میں کم ازکم 20 افراد ہلاک اور متعدد زخمی ہو گئے جب کہ سکیورٹی فورسز کی کارروائی میں چار حملہ آور مارے گئے۔
چارسدہ میں یونیورسٹی پر حملہ
1
پاکستان کے صوبہ خیبر پختونخوا کے شہر چارسدہ میں واقع باچا خان یونیورسٹی پر بدھ کی صبح مسلح دہشت گردوں نے حملہ کیا۔
2
پاکستانی فوج کے شعبہ تعلقات عامہ آئی ایس پی آر کے ڈائریکٹر جنرل لفٹیننٹ جنرل عاصم باوجوہ کے مطابق چار حملہ آور مارے جا چکے ہیں۔
3
حکام کے مطابق صبح کے وقت دھند کا فائدہ اٹھاتے ہوئے دہشت گرد یونیورسٹی کی عقبی دیوار پھلانگ پر احاطے میں داخل ہوئے۔
4
حکام کے مطابق حملے کے وقت یونیورسٹی میں تقریباً تین ہزار کے لگ بھگ طلبا اور دیگر عملہ موجود تھا۔